[size=18][color=black]اسكتش القيمة والدور
* صوت جهوري : فتحوا عينيكم ,..... و طرطؤو ا ودانكم .... لسه في المسابقة عاوزينكم ... ركزوا و خلوا بالكوا .... النهاردة احنا بندور ع القيمة اللي موجودة في الأسرة
* هاني يدخل و يقاطع الصوت : قصدك يعني ان الأسرة المثالية لازم يكون عليها القيمة وسط الناس ... أسرة كده شياكة وopen من غير ترباس
* الصوت : هو أنا عمري ما أقول حاجه و تفهموها صح في البيت ده أبداً .... طب بجد ما انا مكمل كلامي .. هه
هاني : يا أخ .... يا اخ ... طب فهمني ... استني بس
* يدخل الأب و الأم
الأم : خلاص يا بني ما تتعبش نفسك ... الموضوع مفهوم ... عاوزين أسرة زي الفل .... كل واحد منها عليه القيمة .... و احنا علي رأي المثل " قيمة ومركز ووظيفة ميري " .... مش هيلاقوا أحسن مننا
الأب : لأ هيلاقوا يا هانم و هيلاقوا كتير كمان ... انتي ناسية مجموع إبنك السنه اللي فاتت ... فيه حد عليه القيمة يجيب 85% في ثانوية عامة في الأيام دي ... دا مجموع مايساويش شلن
هاني : يعني هي القيمة ما بتجيش إلا بالمجموع .؟؟ مافي ناس كتير ماجابتش مجاميع و رغم كده نجحوا في حياتهم و بقوا مليونيرات كمان ... تقدر تقول لي انهم مالهمش قيمة
الأب : قصدك إيه يا ولد... إننا مالناش قيمة عشان مش مليونيرات ..... انت عارف كويس إن الفلوس عمرها ما تدي قيمة للبني آدم
* تدخل نانسي و تقاطعه : بالظبط يا بابا ... إيه ياهاني .... انت بتتكلم كأنك في فيلم عربي قديم ... مش في بيت فيه ناس مؤمنين و عارفين ربنا
الأم : برافو يا نانسي ... يا بني دا كفاية إن أبوك خادم في الكنيسة وبيقوم بدور كبير فيها بقاله اكتر من 20 سنه ... إنت عاوز إيه أكتر من كده قيمة ..... دا الكنيسة من غيره تجيب ضلفها
هاني : علي مهلكوا علي يا جماعة .... انتوا طلعتوني الشرير بتاع القعدة كده ليه ؟ .... أنا بس بصراحه متلخبط و عاوز أفهم ... اعمل إيه عشان يبقي لي قيمة وسط الناس ؟
الأب : تذاكر و تجيب مجموع و تقرا كتب و تبقي إنسان مثقف الناس تثق فيه و تحترمه و تاخد رأيك في كل حاجه و تشتغل شغلانه محترمة و تنجح فيها
الأم : لو القيمة في موضوع الشغل ده .... يبقي أنا ماليش قيمة خالص ... انا طول اليوم وسط البصل و الخضار و بأطلع منه ع الغسيل و المسح
هاني : أيوة يا ست الكل .... بس محدش يقدر يعيش من غير الشغل إللي إنتي بتعمليه ده
نانسي : بس فيه ناس بحس إن لهم اهمية كبيرة قوي وسط السلة رغم إن مالهمش لا شغلو و لا مشغلة ... بس بيبقوا روشين و ده مهم ... أو لو كانت بنت حلوة و روشة ...
هاني : علي رأيك ... أنا مهما حاولت مش ممكن أعرف أعمل لنفسي قيمة و أهمية زي وائل صاحبي ... إللي بياكل بعقل الكل ولاد و بنات حلاوة في ثواني ... انا بيتهيألي فعلاً إن القيمة تيجي من حب الناس و المكانة اللي بيحطوا الإنسان فيها
الأم : إحنا كده لسه ماوصلناش لحل في الموضوع
الأب : غالباً ... هنضطر نعمل زي كل يوم و نفتح الموضوع للمناقشة
نانسي : هو إحنا كل يوم هنقلب للناس دماغهم و نزعجهم
هاني : معلش بقي ... ماهم ناس عليهم القيمة و هيستحملونا
لتحميل الملف اضغط عي هذا الرابط
http://www.4shared.com/get/92263222/d6aba4f2/___online.html