اختبار خادم........فى الهزيع الأخير من الليل

انا لو حكيت عن مواقف ربنا ف حياتي مش هايكفيني الفيس بوك كتابة
لكن انا هاقولك ان ربنا حاسس بينا جدا
وبيتدخل ف الوقت المناسب
بصوا بقي
انا بشتغل ايه بالظبط
انا عندي محل احذيه
اللي حصل حاجه تموت من الضحك
كان هناك رجل يشاع انه لو قابلته ف الطريق قبل ان تفتح المحل يعني لو اصطبحت بيه
تبقي تقابلني لو بعت ف اليوم ده اي حاجه
المهم
ف اليوم ده انا خرجت من المنزل واتجهت الي المحل
ومررت بالعربه من امام المحل ووجدت العامل بانتظاري قااعطيته المفاتيح ليفتح المحل لحين اقوم انا بركن العربه
وعندما انتهيت واتجهت الي المحل
وجدت هذا الرجل ف المحل ( الرجل الذي يشاع عنه ) المهم
القيت عليه التحية
وسالت لماذا اتيت
فقال لي يا ولدي لقد نسيت حاجه ف المنزل فأرسلت ف طلبها
ولكن العامل اخذ يشاور لي وقال لي اخرجه من هنا
تعجبت لماذا
فانا لم اكن اعلم هذه الشائعه عليه
فقلت لعامل اذهب واحضر حاجه ساقعه للضيف
فخرج العامل غاضبا
وذهب الي جيراني من اصحاب المحلات واخبرهم ان فلان عندنا ف المحل
فتجمعوا جميعهم خارج باب المحل ينظرون الينا ويضربون كفا بكف
تخيلو
حقا
لقد ارتبكت
وشككت
ولكن تحكمت ف اعصابي
الي ان جاءه ابنه بما كان ينتظره
وذهب هذا الرجل من المحل وشاكرا علي مقابلتي له
وحينما خرج
دخل كل جيراني
قائلين
هيا
اقفل وروح البيت النهارده لانك ان بعت حاجه ابقي قابلنا
تعجبت من شده ثقتهم ف كلامهم
فجميعهم مؤكدين هذا الموقف
الجميع اجمعوا علي القول
وانا كنت اقاوم وحدي
المهم
*+*+*+*+*++*

دخل العامل ليقوم بالعمل
ومرت الساعات
وانا ف ذهول تام
حقا
لم يدخل حتي اي كاستمر ( زبون) ف هذا اليوم
تخيلو لقد قال لي العامل
انا قلتلك
اطرده
وانت تجيبله حاجه ساقعه
كيف اصف لكم حالتي النفسيه
لقد شككت واحسيت بالخزي من نفسي
ضاقت بي الدنيا امام ضحك الجيران عليا

وقد حانت ساعه اغلاق المحل
لقد انتهي اليوم
وقبل اغلاق المحل
وبعد اغلاق الانوار
عاده ما اقف واصلي شاكرا الرب عن ما اعطانيه اليوم من رزق
ووقفت ومعي العامل
رفعت صلاه شكايه
الي الرب من الرب
كيف تجعلني هكذا
كيف تؤكد كلام الجهلاء وتترك نفسك بلا شاهد
انا لا اطمع ف رزق بل اطمع ف تغير وجهه نظرهم
هل تترك الشيطان يتحكم بهم
لايهمني انك لم ترسل لي جنيه واحد
بل كنت اامل انك تغير طريقه تفكيرهم
عموما انا اشكرك
وانتهيت من الصلاه
وخرج العامل ليقفل الباب
فجاءت عربه ووقفت امام المحل
وقال
السلام عليكم ورحمه الله
فرد العامل التحية
فسأله هل لديكم كوتشيهات اطفال
فقال له نعم
فقال لاولاده ف العربه هيا انزلوا
فدخل هو وزوجته واولاده
والجميل انه لم يكن مصري بل عربي خليجي
فأخذ لعائلته مشتريات واخذ معه هذايا ايضا لاصحابه ف الخليج
وعملت فاتورة مبيعات تقدر بعشر اضعاف قيمه اجمالي مبيعات يوم واحد
والاجمل ان جيراني جميعهم كانو منصعقين من المفاجأة
لقد استمر هذا الكاستمر عندي حتي ساعتين بعد منتصف الليل
ف ترتيب الاشياء والهدايا حسب المقاسات
وكانو جيراني ف انتظاري
وبعدما انتهي واثناء اغلاقي المحل
تكلم معي العامل
وقال
انا بشكرك يا استاذ ؟؟؟؟؟؟
لانك علمتني درس كبير النهارده
حتي جيراني
لقد صحح الهي لهم وجهه نظرهم
منقووووووووووول[b][b]

خواطر شخصية من وحى القصة :

1- ما أروع ما كتبه الخادم عندما قال بدأت صلاتى ( شكاية ) من الرب إلى الرب ...... ما هذه الدالة ما هذه الروعة فى احساسه بالبنوة الحقيقية
لغة عتاب رائعة بين ابن و ابوه و ليس عبد و سيد
تحمل فى طياتها ايمان قوى بما يعرفه عن ابيه الحقيقى
2- ربنا دايما بيحب الهزيع الأخير من الليل و هو عارف مين من اولاده يحتمل حتى الهزيع الأخير
كمان ربنا حنين قوى لم يرتضى أن يكسف ابنه حبيبه و حب يوصل له انت فاكر انى مش واخد بالى يا ابنى بس كنت عايز أشوفك هتفضل مصدق وعدى لغاية الآخر ولا لأ و لما لقى قلب ابنه قرب يتكسر مش علشان نفسه لكن من أجل غيرته على اسم ابوه بعت له مفاجأة و علمه درس الهزيع الأخير من الليل
3- الولد اللى شغال فى المحل ده زينا كلنا بس الجميل بقى اننا مش بنعرف نشوف نفسنا كده لكن دى الحقيقة و الأجمل من كل ده ان ربنا فى كل موقف فى حياتنا بيوصل لنا صوته بطريقة تناسبنا
يعنى ربنا اختار الولد ده يشتغل فى المحل ده مع الخادم ده و يمر بالموقف ده و أكيد كان مستغرب لما وجد الخادم لسة بيصلى الصلاة دى بدالة الحب لربنا مش بروح التذمر عليه و جايز فى قرارة نفسه كان بيسخر منه لأنه كان مصدق قوى فى كلام الناس
لكن ايه الجمال ده يا رب دبرت كل الخطة دى للولد ده علشان تدخل بيه لبعد جديد فى تعاملاته معاك
يبدأ يشوف مواقف كتير فى حياته مش من خلال عيون البشر و لكن من خلال تعاملاته معاك
يكون له رصيد من الاختبارات الحية معاك يفتكرها فى كل موقف او تجربة جديدة
قد ايه انت حنين قوى يا رب
بتختار لكل واحد اللغة و الطريقة اللى تناسبه علشان يسمع و يفهم و دى طريقة فردية تماما تختلف من شخص للتانى
أشكرك انك ابويا و حبيبى و ربى و الهى و الحضن الذى ارتاح فيه
أشكرك لأنك دايما بتكلمنى و غالبا انا اللى ببقى مش عاوزة أسمع صوتك و بسد ودانى لكن انت حنين قوى و صبور قوى و طويل الأناة أكثر مما يمكن أن تدركه عقولنا و أذهاننا
4- الحاجة الجميلة اللى اتعلمتها كمان من الخادم ده هى الشكر
حقيقى يا رب ليست عطية بلا زيادة الا التى بلا شكر
الخادم ده شكر فى أصعب الأوقات و مرضيش ابدا يكسر قانون الشكر اليومى رغم انه كان كسير القلب صغير النفس
مين فينا بيشكر مش على الضيقة و لكن على العطايا المفرحة فى حياتنا
كل عطية مفرحة فى حياتنا نراها كأنها تحصيل حاصل و أمر طبيعى ولا ندرك مقدار النعمة التى كنا فيها الا عندما نحرم منها
بل اننا دائما ما نتذمر على ما ليس عندنا أو نظن انه ينقصنا بدلا من أن نشكر على ما لدينا
دائما عيوننا على احتياجاتنا التى نظن انها احتياجات ولا نفكر أبدا كم من نعم ننعم فيها ولا نشكر عليها بل اننا اذا حصلنا على احتياجنا الذى صرخنا الى الله بسببه كثيرا جدا لفترات طويلة قد نتذكر أن نقول له شكرا بشكل عابر و قد لا نقولها على الاطلاق
ربى
علمنى أن أشكرك على كل طلبة طلبتها منك و لم تستجب لأنك أنت وحدك تعرف ما هو الأفضل لى
علمنى أن أشكرك من أجل كل ضيقة لأنها تشد عودى و أخرج منها أكثر صلابة
علمنى أن أشكرك على كل طريق وعر سمحت لى أن أسير فيه لأنى تمتعت بمعيتك و صحبتك فيه و دخلت الى العمق فيك و كان لى حلاوة الاتكاء على صدرك الحانى عندما لم أجد من يحنو على
علمنى أن أشكرك لأنك أنت ابى و الهى و حبيبى
علمنى أن أشكرك فقط لكى أتلذذ بفرحة قلبك و ابتسامة عينيك عندما ترانى أشكرك فأفرح و يبتهج قلبى لأنك شكرك هو سر سعادتى الحقيقية التى لن أدركها الا عندما اتذوق حلاوة معنى كلمة أشكرك[i]

بصراحه قصه في غايه الروعه
وفي الحقيقه انا شخصيا لا اؤمن بالعين ولا بوش فلان اللي يقطع الخميره من البيت ويقطع الرزق . لكن كل الامور هي بيد الله وانا لو صدقت في افكار الناس من حيث هذا الكلام فعلا هيحصلي كده لان ابليس هيسيطر عليهم
الدروس المستفاده :
الترحيب بالاشخاص اللي الناس بتكرههم وبتعاملهم وحش
الثقه الكبيره في الله
الشكر حتي علي عدم وجود مال

ربنا يباركك اختي عروس النشيد علي هذه القصه الرائعه ومستنيين المزيد منها

» اختبار روماني - القصه الحقيقيه له
» اختبار يخليك تتعرف على شخصيتك